Betetze-programek zenbait tresna eskaintzen dizkiete enpresei, erantzukizun penala eta administratiboa ekar dezaketen eta, beraz, haien izen onari eragin diezaioketen jokabide legez kanpokoetan parte hartzen ari ote diren detektatzeko eta halakorik saihesteko. Betetze-programa batek ez dio lagunduko enpresari zigorrak saihesten soilik, baita arau-hausteak detektatzen eta, gauzatzen badira, arduraz nola erreakzionatu jakiten ere, CNMCra joanez eta, azkenean, sektore publikoarekin kontratatzeko debekua saihestuz.

Kontuan izan behar da betetze-programak eraginkorrak izan daitezen, betetze-konpromisoa bermatu behar dela, eta konpromiso hori bai norbanakoaren, bai enpresako langile guztien erabakiak hartzeko prozesuan islatu behar da.

Azkenik, kontuan izan behar da Informatzaileen Zuzentarauak 50 langile baino gehiago dituzten enpresei salaketa-kanal anonimo bat izatea eskatzen diela, langileei, hornitzaileei eta bezeroei ahotsa emateko eta lehiaren aurkako jardunbideen existentzia ezagutarazteko.

Zer irizpide nagusi hartzen dira kontuan?

Jarraian, enpresen betetze-programetan sartutako elementu nagusien balorazio-irizpide garrantzitsuenak zehazten dira:

• Betetze-arduradunaren independentzia eta autonomia
• Arriskuen identifikazioa
• Protokoloen eta kontrol-mekanismoen diseinua
• Formazioa
• Salaketa-kanal baten existentzia
• Arau-hausteak eta salaketak kudeatzeko barne-prozedura
• Diziplina-sistema

Compliance espazioak

CNMCk "Compliance espazioak" egin ditu lankidetza publiko eta pribatuko saioen bidez, non enpresa-arloko lehiarekin eta prebentzio-neurriekin lotutako hainbat gai eztabaidatu baitziren.