No artigo 6 da Lei Xeral de Comunicación Audiovisual, sobre igualdade de xénero e imaxe das mulleres, establece que se debe promover a autorregulación que contribúa a unha imaxe igualitaria e non discriminatoria das mulleres e homes, non favorecendo baixo ningún suposto a situacións de discriminación por razón de sexo, desigualdade das mulleres ou que inciten á violencia sexual ou de xénero.

Tamén insta a promover a autorregulación para garantir comunicacións comerciais non sexistas, o cal engloba tanto a linguaxe como o contido e as imaxes. O obxectivo é eliminar os  estereotipos de xénero, sacar ás mulleres dos roles estereotipados nos que se lles adoita encasillar. 

A representación das mulleres nos medios audiovisuais tamén é importante polo impacto social que ten. A forma na que as mulleres son retratadas no cine, a televisión e a publicidade inflúe de forma directa na percepción pública e na formación dos estereotipos de xénero que se buscan eliminar.

Os medios non só reflicten a realidade, senón que a constrúen. Inflúen na percepción, polo que unha mala representación das mulleres perpetuaría as desigualdades. 

Os medios de comunicación poden equilibrar a balanza na loita contra os prexuízos e estereotipos sobre as mulleres contribuíndo á súa igualdade cos homes. 

A comunicación audiovisual debe transmitir unha imaxe igualitaria e non discriminatoria de mulleres e homes, non favorecendo situacións de discriminación por razón de sexo, desigualdade das mulleres ou que inciten á violencia sexual ou de xénero. 

Esta representación é importante xa que inflúe na percepción pública e na formación de estereotipos de xénero. Ademais, contribuirá a unha sociedade máis inclusiva e equitativa para mulleres e nenas. 

A CNMC debe supervisar e controlar que o mercado de comunicación audiovisual funcione correctamente. Unha das súas funcións que nos asigna a normativa é a de elaborar e publicar un informe anual sobre a representación das mulleres nos programas e contidos audiovisuais, prestándolle especial atención á súa representación en noticiarios e programas de contido informativo de actualidade. Así o establece o artigo 9.1 da Lei de creación da Comisión Nacional dos Mercados e da Competencia (de acordo co previsto no artigo 6.4 da Lei Xeral de Comunicación Audiovisual). 

A CNMC, para adaptarse á normativa, publicará un informe anual sobre a representación das mulleres nos noticiarios e programas informativos de actualidade dos prestadores audiovisuais de ámbito estatal.