O novo mandato da Presidencia da CNMC coincide no tempo cun cambio transcendental na sociedade e na economía mundial marcado en primeiro lugar pola crise sanitaria provocada pola pandemia do COVID-19 e en segundo lugar pola crise enerxética derivada da invasión de Ucraína por Rusia e a posterior tensión inflacionaria. Estes cambios non fixeron máis que acelerar unha transformación imparable cuxos eixes veñen marcados, máis que nunca, pola dixitalización e o desenvolvemento sostible.

O Plan Estratéxico da CNMC para o período 2021-2026 aspira a que, ao termo do período que abrangue, a CNMC teña contribuído ao logro destes dous grandes obxectivos, ao tempo que teña podido garantir no ámbito das súas funcións un contexto supervisor e regulador eficiente e previsible, onde as empresas poidan concorrer en igualdade de condicións,
sendo sempre os consumidores e usuarios os máximos beneficiarios.

O Plan Estratéxico conforma unha serie de obxectivos sobre os que se constrúen as actuacións concretas de cada un dos plans de actuacións aprobados.

No contexto actual, a procura dos resultados destes mercados competitivos e innovadores precisa da integración na actividade da CNMC de dous grandes retos que son á vez motores de crecemento económico: a dixitalización e a transición ecolóxica.

Por iso, as liñas estratéxicas da CNMC reorientanse necesariamente para acompasar as súas funcións e competencias a un entorno innovador, conectado e sostible onde o beneficio do consumidor (enerxético, dixital, audiovisual...) sexa o obxectivo último.

Este plan de actuacións 2021-2022 inclúe os primeiros pasos cara á consecución destes obxectivos.

A necesidade dunha avaliación continua e transparente da consecución dos obxectivos que este plan bianual propón, esixe unha actuación de rendición de contas ao remate do primeiro exercicio do plan, a fin de poder avaliar o grao de cumprimento dos obxectivos durante o ano 2021 e, no seu caso, a adición ou concreción daqueles obxectivos que deban ser acometidos durante o ano 2022.

O plan foi sometido a consulta pública no necesario exercicio de transparencia e predictibilidade que debe rexer calquera actuación pública.

O Plan Estratéxico da CNMC é froito do labor de reflexión e achegas dos conselleiros, as direccións e departamentos da Comisión Nacional dos Mercados e a Competencia. Incorpora tamén os comentarios da Consulta Pública realizada entre os días 8 e 29 de abril de 2014.

Tras a súa aprobación polo Consello da CNMC o 8 de maio de 2014 foi presentado á Comisión de Economía e Competitividade do Congreso dos deputados o 13 de maio, e na Comisión de Economía e Competitividade do Senado o 26 de xuño de 2014.