Algunhas operacións que realizan as empresas (como as fusións ou a compra de accións ou de activos doutra compañía ou a adquisición dunha ou varias empresas) poden alterar a situación da competencia nos mercados. É dicir, pode aumentar o risco de conseguir máis poder de mercado, elevar os prezos, establecer barreiras de entrada, dificultar a innovación, etc. Por todas estas razóns, a Lei de Defensa da Competencia establece un sistema para controlar as concentracións que puidesen supor un risco para a competencia.

Por que hai que informar dunha concentración de empresas?

Hai que evitar que unha concentración de empresas poña en perigo a competencia nos mercados.
Cando dúas ou máis empresas se fusionan, o número de competidores redúcese e o poder das empresas pode aumentar.

Condicións para informar

Polo xeral, deben informar aquelas concentracións que atinxan unha determinada cota de mercado (art. 8.1 a da LDC) ou un determinado volume de negocios (art. 8.1 b da LDC), sempre que non exista a obriga de notificarllas á Comisión Europea.
Naquelas operacións de concentración que cumpran os limiares de notificación, pero que a priori non afecten significativamente a competencia efectiva (por falta de solapamento entre as partes, reducidas cotas de mercado da entidade resultante, etc.), a Lei de Defensa de Competencia prevé a súa notificación mediante un formulario abreviado (artigo 56 da LDC).
Calquera operación de concentración que se lle deba comunicar á CNMC estará suxeita a unha obriga xeral (salvo algunhas excepcións) de suspensión da súa execución ata que sexa autorizada.

Consulta previa á CNMC

Se non estás seguro de se unha operación constitúe unha concentración e debe ser notificada, podes realizar unha consulta formal á CNMC en Sede electrónica.

Sede electrónica 

Contactos previos á notificación

Podes contactar connosco por correo para iniciar comunicacións previas a unha notificación de concentración, no enderezo:

Correo 

Axudarémoste a preparar a documentación correctamente para o procedemento avanzar o máis rápido posible.
 

Documentación necesaria para notificar
 

• DDebes cubrir e asinar un formulario de notificación, co contido establecido no Anexo II (se a operación é ordinaria) ou no Anexo III (se a operación é abreviada) do Regulamento de Defensa da Competencia.
• O formulario deberá ir acompañado dunha serie de documentos, como o contrato de compravenda, as contas anuais das empresas participantes, ou o xustificante de pagamento da taxa correspondente.
• Se a operación é abreviada, aplicarase unha taxa fixa de 1576,51 €. Se a operación é ordinaria, o importe da taxa calcularase en función da cifra de negocios das empresas, segundo o disposto no Anexo da Lei 3/2013.
• A liquidación da taxa debe efectuarse mediante o modelo 791 nunha entidade colaboradora da AEAT. Se a empresa está no estranxeiro, pódese facerse unha transferencia bancaria á conta ES96 0081 5913 8900 0100 1208.

Resoluciones de concentraciones

Expedientes de concentraciones en tramitación