Que é un cártel?

É un acordo entre varias empresas competidoras para, entre outros, pactar os prezos dos seus produtos, repartir clientes ou concursos públicos. Isto prexudica tanto os consumidores como o mercado.

Un cártel pode formarse por varios medios, incluíndo:

• fixación de prezos;
• restricións á produción;
• reparto do mercado, incluída a manipulación de poxas;
• intercambio de información estratéxica para reducir a incerteza inherente á libre competencia.
   

Entón, as empresas non poden facer acordos entre elas?

Si que poden. Existen algúns acordos entre empresas que poden ter efectos favorables para os consumidores, porque supoñen melloras na produción, a distribución ou a comercialización, ou ben fomentan o progreso técnico.

Todos estes efectos positivos contrarrestarían os efectos prexudiciais desde o punto de vista da competencia. Un exemplo destes acordos son os acordos para investigar e desenvolver novas tecnoloxías.

As empresas teñen de autoavaliarse para determinar se un determinado acordo pode constituír un cártel ou non.
 

Que consecuencias ten pertencer a un cártel?

Para a empresa

A multa pode supoñer ata o 10% do volume de negocios total da empresa infractora no exercicio inmediatamente anterior ao de imposición da multa. Ademais, poderá impoñerse a prohibición de contratar coa administración pública.

Para os representantes legais ou directivos

Os representantes legais ou directivos tamén poden ser sancionados con multas de ata 60.000 euros.