A normativa aplícase a todos os servizos de intermediación da sociedade da información —por exemplo, as plataformas en liña ou os motores de busca, os marketplaces, as redes sociais, ou as tendas de aplicacións— ofrecidos a destinatarios do servizo que estean situados na Unión Europea, con independencia de onde os prestadores de ditos servizos intermediarios teñan o seu lugar de establecemento.
O Regulamento de Servizos Dixitais asegura que as regras e normas do mundo offline se apliquen tamén a estes servizos online. É importante entender que este novo Regulamento non establece que está ou non permitido ofrecer ou publicar nas plataformas. As prohibicións réxense polas normas que regulan os seus respectivos ámbitos legais; por exemplo, a normativa de protección de datos, a de consumo ou o dereito penal, entre outros.
Os prestadores de servizos en liña si que poden ser considerados responsables pola forma en que xestionan o contido nas súas plataformas; por exemplo, por non atender ordes de retirada, non poñer á disposición dos usuarios sistemas de denuncia de contido ou non establecer medidas para protexer aos usuarios de riscos específicos.
Por iso, deben dispoñer de mecanismos de reclamación e de resolución de conflitos e de procedementos para notificar e retirar contidos ilícitos, e en xeral, de protección dos usuarios fronte aos riscos que afrontan no mundo dixital. En definitiva, establécense obrigas de dilixencia debida, transparencia e información por parte dos provedores.
No caso das plataformas e os buscadores que teñen máis de 45 millóns de usuarios ao mes na Unión Europea, establécese unha regulación máis estrita polo impacto que teñen nos usuarios e no ecosistema dixital.
Estas plataformas denomínanse plataformas en liña de moi grande tamaño e motores de busca de moi grande tamaño Very Large online Platforms -VLOPs- e Very Large Online Search Engines -VLOSEs-, polas súas siglas en inglés).
Listado Very large online platforms (VLOPs) and search engines (VLOSEs)
