Control de Contidos
Menores
En relación coa protección de menores, temos encomendada a función de controlar o cumprimento das obrigas impostas para facer efectivos os dereitos do menor.
Dereitos dos menores
Os menores teñen dereito a que a súa imaxe e voz non sexan utilizadas nos servizos de comunicación audiovisual sen o seu consentimento ou o do seu representante legal, de acordo coa normativa vixente.
En todo caso, está prohibida a difusión do nome, da imaxe ou doutros datos que permitan a identificación dos menores no contexto de feitos delituosos ou emisións que discutan a súa tutela ou filiación.
Contidos e horarios de protección
Todos os produtos audiovisuais deben dispoñer dunha cualificación por idades.
Está prohibida a emisión de contidos audiovisuais que poidan prexudicar seriamente o desenvolvemento físico, mental ou moral dos menores e, en particular, programas que inclúan escenas de pornografía ou violencia gratuíta.
Para a televisión en aberto, establécese un horario de protección xeral entre as 6 e as 22 horas, durante as que non se poderán emitir contidos que poidan resultar prexudiciais para o desenvolvemento físico, mental ou moral dos menores, é dicir, cualificados como non recomendados para menores de 18 anos. Estes contidos poderán emitirse fóra deste horario de protección xeral sempre precedidos por un aviso acústico e visual.
Así mesmo, para a televisión en aberto, establécense tres franxas horarias consideradas de protección reforzada durante as que non poderán emitirse contidos cualificados como non recomendados para menores de 12 anos::
- De luns a venres: de 8 a 9 horas e de 17 a 20 horas
- Sábados, domingos e festivos de ámbito estatal: de 9 a 12 horas
Os programas dedicados a xogos de azar e apostas, só poden emitirse entre a unha e as cinco da mañá.
Aqueles con contido relacionado co esoterismo e as paraciencias, só poderán emitirse entre as 22 e as 7 da mañá.
Pola súa banda, cando o servizo de comunicación audiovisual se realice mediante un catálogo de programas, os prestadores deberán elaborar catálogos separados para aqueles contidos que poidan prexudicar seriamente o desenvolvemento físico, mental ou moral dos menores.
Comunicacións comerciais
En horario de protección ao menor, os prestadores do servizo de comunicación audiovisual non poderán inserir comunicacións comerciais que promovan o culto ao corpo e o rexeitamento á autoimaxe, tales como produtos adelgazantes, intervencións cirúrxicas ou tratamentos de estética, que apelen ao rexeitamento social pola condición física, ou ao éxito debido a factores de peso ou estética..
As comunicacións comerciais non lles deberán producir prexuízo moral ou físico aos menores.
As Resolucións referidas a requirimentos ou infraccións en materia de protección ao menor, encóntranse nos ámbitos referidos a Requirimentos ou Resolucións sancionadoras.
Últimas resolucións
| Número | Asunto | Fecha de resolución |
|---|---|---|
| CRITERIOS/DTSA/001/15 | , Resolución por la que se aprueban los criterios orientadores de calificación de contenidos audiovisuales | 09 Xul 2015 |
| VERIFICACIÓN/DTSA/001/15 | Resolución por la que se verifica la conformidad con la normativa vigente de la modificación del código de autorregulación sobre contenidos televisivos e infancia solicitada por el comité de autorregulación y se dispone su publicación. | 23 Xuñ 2015 |
Todas as resolucións de expedientes de control de contidos de publicidade no ámbito audiovisual.
Publicidade
En relación coa publicidade, exercemos o control sobre o cumprimento das obrigas, as prohibicións e os límites ao exercicio do dereito a realizar comunicacións comerciais audiovisuais, de acordo co establecido na Lei 7/2010, do 31 de marzo, xeral da comunicación audiovisual.
boe.es
Neste sentido, os controis sobre a publicidade son:
- Supervisamos a publicidade ilícita e prohibida, poñendo especial coidado en vixiar a publicidade encuberta.
- Supervisamos unha realización adecuada dos patrocinios e os emprazamentos de produto.
- Controlamos os límites máximos de emisión de autopromoción (5 minutos por hora de reloxo) e de mensaxes publicitarias e de televenda (12 minutos por hora de reloxo), tendo en conta as exclusións fixadas neste último cómputo pola Lei.
- Vixiamos o número de interrupcións publicitarias permitidas en determinados programas, tales como películas para televisión, longametraxes, informativos, programas infantís ou acontecementos deportivos.
- Controlamos o principio de identificación e separación entre a publicidade e a programación, así como o respecto das mensaxes publicitarias á integridade dos programas nos que se insiren.
- Resolvemos sobre o carácter non publicitario dos anuncios de servizo público ou de carácter benéfico, logo da solicitude dos interesados (exención cómputo publicitario).
As Resolucións referidas a requirimentos ou infraccións en materia de publicidade, encóntranse nos ámbitos referidos a Requirimentos ou Resolucións sancionadoras.
Últimas resolucións
Accesibilidade
A normativa garante o dereito das persoas con discapacidade visual ou auditiva a unha accesibilidade universal á comunicación audiovisual, de acordo coas posibilidades tecnolóxicas. Isto pódese facer por diversos medios: a subtitulación, a interpretación con lingua de signos e a audiodescrición dos contidos. Todo iso co obxecto de garantir a calidade do servizo e a satisfacción das persoas destinatarias.
Para iso, a Lei xeral da comunicación audiovisual establece unhas porcentaxes mínimas de programas subtitulados e unha cantidade de horas á semana de interpretación con lingua de signos e de audiodescrición..
Estas obrigas aplícanse aos servizos de comunicación audiovisual televisiva en aberto e de cobertura estatal ou autonómica..
Na CNMC controlamos que se cumpran estas obrigas no ámbito estatal.
CANLES PRIVADAS EN ABERTO
- Subtitulado: 75%
- Audiodescrición: 2 horas semanais
- Lingua de signos: 2 horas semanais
CANLES DE SERVIZO PÚBLICO
- Subtitulado: 90%
- Audiodescrición: 10 horas semanais
- Lingua de signos: 10 horas semanais